Good Bye Ashish Nehra: 6/23, 6/59... ആശിഷ് നെഹ്റയുടെ ടോപ് 5 ബൗളിംഗ് പ്രകടനങ്ങൾ!!

ഇംഗ്ലണ്ടിനെതിരെ 6/23

2003 ലോകകപ്പിൽ ഇംഗ്ലണ്ടിനെതിരെ ഡർബനിലായിരുന്നു ആശിഷ് നെഹ്റയുടെ കരിയർ ബെസ്റ്റ് ബൗളിംഗ് പ്രകടനം. ആദ്യം ബാറ്റ് ചെയ്ത് ഇന്ത്യ 250 റൺസാണ് എടുത്തത്. ഒറ്റ സ്പെല്ലിൽ പത്തോവർ എറിഞ്ഞ നെഹ്റ 6 വിക്കറ്റുകൾ വീഴ്ത്തിയപ്പോൾ ഇന്ത്യ കളി 82 റൺസിന് ജയിച്ചു.

ശ്രീലങ്കയ്ക്കെതിരെ 6/59

2005 ഇന്ത്യൻ ഓയിൽ കപ്പ് ഫൈനലിൽ ശ്രീലങ്കയ്ക്കെതിരെ നെഹ്റ വീണ്ടും ആറ് വിക്കറ്റ് നേട്ടവുമായി കളം നിറഞ്ഞു. അവസാന ഓവറുകളിൽ ചാമിന്ദ വാസ് മൂന്ന് ബൗണ്ടറി ഷോട്ടുകൾ പായിച്ചില്ലായിരുന്നെങ്കില്‍ നെഹ്റയുടെ നമ്പർ ഇനിയും മെച്ചമായിരുന്നേനെ. കളി ഇന്ത്യ 18 റൺസിന് ജയിച്ചു.

ശ്രീലങ്കയ്ക്കെതിരെ 4/35

2003 ലോകകപ്പിൽ ശ്രീലങ്കയ്ക്കെതിരെയും നെഹ്റ മിന്നും ഫോമിലായിരുന്നു. ഇംഗ്ലണ്ടിനെതിരെ ആറ് വിക്കറ്റെടുത്തതിന് ശേഷം തൊട്ടടുത്ത കളിയിൽ ശ്രീലങ്കയ്ക്കെതിരെ 35 ന് നാല് വിക്കറ്റ്. ഇന്ത്യ വെറും 3 ബൗളർമാരെ ഉപയോഗിച്ചാണ് അന്ന് ലങ്കയെ ഓളൗട്ടാക്കി കളി ജയിച്ചത്.

ശ്രീലങ്കയ്ക്കെതിരെശ്രീലങ്കയ്ക്കെതിരെ 4/40

നെഹ്റയുടെ സ്ഥിരം വേട്ടമൃഗങ്ങളിൽ ഒന്നായിരുന്നു ശ്രീലങ്ക. ആദ്യ അഞ്ചിൽ മൂന്നാമത്തെ പ്രകടനമാണ് ശ്രീലങ്കയ്ക്കെതിരെ ഇത്. 2010ലെ ഏഷ്യാകപ്പ് ഫൈനലിൽ ഇന്ത്യയെ ജയിപ്പിച്ച സ്പെല്ലായിരുന്നു ഇത്. അന്ന് ഇന്ത്യൻ ബൗളർമാർ പ്രതിരോധിച്ചത് വെറും 268 റൺസാണ്.

ന്യൂസിലൻഡിനെതിരെ 4/47

ഇന്ത്യ മറക്കാനാഗ്രഹിക്കുന്ന മത്സരം. 288 റൺസ് ജയിക്കാൻ വേണ്ടിയിരുന്ന ഇന്ത്യ വെറും 88 റൺസിന് ഓളൗട്ടായ കളി. നെഹ്റ 47 റൺസ് വഴങ്ങി നാല് വിക്കറ്റ് വീഴ്ത്തിയത് മാത്രമാണ് ഇന്ത്യയ്ക്ക് ഈ കളിയിൽ ഓർക്കാനുളളത്.