Click it and Unblock the Notifications
സ്റ്റുവര്ട്ട് ബ്രോഡാണ് താരം
9.3 ഓവറില് 15 റണ്സിന് 8 വിക്കറ്റുകള്. സ്വപ്നം പോലെ പന്തെറിഞ്ഞ ബ്രോഡാണ് ഓസീസ് ബാറ്റിംഗ് നിരയെ പിച്ചിച്ചീന്തിയെറിഞ്ഞത്. ബ്രോഡിന്റെ കരിയര് ബെസ്റ്റ് പ്രകടനമാണിത്. ബ്രോഡടക്കം മൂന്ന് പേര് മാത്രമേ ഇംഗ്ലണ്ടിന് വേണ്ടി പന്തെറിയേണ്ടി വന്നുള്ളൂ.
റോജേഴ്സ് തുടങ്ങിവെച്ചു
ഒന്നാമത്തെ ഓവറിന്റെ മൂന്നാം പന്തിലാണ് ഓസീസിന് ആദ്യവിക്കറ്റ് നഷ്ടമായത്. റണ്ണെടുക്കും മുമ്പേ സ്റ്റുവര്ട്ട് ബ്രോഡ് ക്രിസ് റോജേഴ്സിനെ വീഴ്ത്തിയപ്പോള് ഓസ്ട്രേലിയ ഞെട്ടി എന്നത് നേര്. പക്ഷേ ഇങ്ങനെ ഒരു കൂട്ടത്തകര്ച്ച ആരും പ്രതീക്ഷിച്ചുകാണില്ല.
വാര്ണര് പിന്നാലെ
മറ്റൊരു ഓപ്പണര് ഡേവിഡ് വാര്ണറും റണ്ണെടുക്കാതെ മടങ്ങി. മികച്ച ഫോമില് കളിക്കുന്ന സ്റ്റീവ് സ്മിത്തായിരുന്നു പിന്നത്തെ ഇര. സ്മിത്ത് 6 റണ്സെടുത്തു.
ക്ലാര്ക്ക് രണ്ടാമത്തെ ടോപ് സ്കോറര്
ഓസീസ് ഇന്നിംഗ്സില് 14 റണ്സോടെ എക്സ്ട്രായാണ് ടോപ് സ്കോറര്. 10 റണ്സെടുത്ത ക്ലാര്ക്ക് ബാറ്റ്സ്മാന്മാരില് രണ്ടാമത്തെ ടോപ് സ്കോററാണ്. മിച്ചല് ജോണ്സന് 13 റണ്സടിച്ചു.
മറ്റുള്ളവര് ഇങ്ങനെ
ഷോണ് മാര്ഷ് (0), വോഗ്സ് (1), നെവില് (2), സ്റ്റാര്ക് (1), ഹേസല് വുഡ് (4), ലിയോണ് (9) എന്നിങ്ങനെയാണ് മറ്റ് ഓസീസുകാരുടെ സംഭാവന.
റൂട്ടിന് വേര് പിടിച്ചു
മറുപടി ബാറ്റിംഗില് 124 റണ്സെടുത്ത് പുറത്താകാതെ നില്ക്കുന്ന ജോ റൂട്ടാണ് ഇംഗ്ലണ്ടിനെ വന് ലീഡിലേക്ക് എത്തിച്ചത്
Continue with Google