Click it and Unblock the Notifications
റാഷിദിന് 22 വയസ്സ് മാത്രം
റാഷിദിന് ഇപ്പോള്‍ വയസ്സ് 22 മാത്രമേ ആയിട്ടുള്ളൂ. വിവാഹവും കഴിച്ചിട്ടില്ല. 32 കാരിയായ അനുഷ്‌കയാവട്ടെ 2017 ഡിസംബര്‍ 11നായിരുന്നു ഇറ്റലിയിലെ സ്വകാര്യ ചടങ്ങില്‍ വച്ച് കോലിയുടെ ജീവിത സഖിയായത്. ഇപ്പോള്‍ രണ്ടു പേരും പുതിയ അതിഥിക്കു വേണ്ടിയുള്ള കാത്തിരിപ്പിലുമാണ്.
പക്ഷെ ഗൂഗിളില്‍ നിങ്ങള്‍ റാഷിദ് ഖാന്റെ ഭാര്യ ആരെന്ന് സെര്‍ച്ച് ചെയ്താല്‍ ലഭിക്കുന്ന ഉത്തരം അനുഷ്‌കാ ശര്‍മയെന്നായിരിക്കും. 2017 ഡിസംബര്‍ 11ന് കോലിയും അനുഷ്‌കയും വിവാഹിതരായ അതേ ദിവസം തന്നെയാണ് അനുഷ്‌കയും റാഷിദും വിവാഹം കഴിച്ചതെന്നും ഗൂഗിള്‍ പറയുന്നു.
എന്തു കൊണ്ട് ഇത്ര വലിയ അബദ്ധം?
എന്തു കൊണ്ടായിരിക്കാം ലോകം മുഴുവന്‍ ആശ്രയിക്കുന്ന, ഏറ്റവും വിശ്വസ്തമായ സെര്‍ച്ച് എന്‍ജിനായ ഗൂഗിളിന് ഇത്രയും വലിയൊരു അബദ്ധം സംഭവിച്ചത്? ഇതിനു പിന്നിലൊരു കാരണമുണ്ട്. 2018ലായിരുന്നു ഇതിലേക്കു നയിച്ച സംഭവം. ബോളിവുഡില്‍ തനിക്കു പ്രിയപ്പെട്ട നടിമാര്‍ അനുഷ്‌കാ ശര്‍മയും പ്രീതി സിന്റയുമാണെന്ന് അന്ന് റാഷിദ് ഒരു അഭിമുഖത്തില്‍ പറഞ്ഞിരുന്നു.
ഇതിനു പിന്നാലെ ഗൂഗിളില്‍ റാഷിദിന്റെ പേര് ട്രെന്‍ഡിങായി മാറിയിരുന്നു. ഇതേ കാരണത്താല്‍ ഗൂഗിള്‍ റാഷിദിനെയും അനുഷ്‌കയെയും പരസ്പരം ബന്ധിപ്പിക്കുകയും ചെയ്യുകയായിരുന്നു. അതിനു ശേഷമാണ് റാഷിദിന്റെ ഭാര്യയെന്നു സെര്‍ച്ച് ചെയ്യുമ്പോള്‍ അനുഷ്‌കയുടെ പേര് പ്രത്യക്ഷപ്പെടുന്നത്.
റാഷിദും അനുഷ്‌കയും
നിലവില്‍ യുഎഇയില്‍ നടന്നു കൊണ്ടിരിക്കുന്ന ഐപിഎല്ലില്‍ ഡേവിഡ് വാര്‍ണറുടെ സണ്‍റൈസേഴ്‌സ് ഹൈദരാബാദിനായി കളിച്ചു കൊണ്ടിരിക്കുകയാണ് റാഷിദ്. മിന്നുന്ന പ്രകടനമാണ് പതിവു പോലെ ഈ സീസണിലും താരം കാഴ്ചവച്ചു കൊണ്ടിരിക്കുന്നത്. ടൂര്‍ണമെന്റിലെ വിക്കറ്റ് വേട്ടക്കാരില്‍ റാഷിദ് നാലാം സ്ഥാനത്തുമുണ്ട്. ഏഴു കളികളില്‍ നിന്നും 10 വിക്കറ്റുകളാണ് സ്പിറുടെ സമ്പാദ്യം.
അതേസമയം, അനുഷ്‌ക കോലിയുടെ മല്‍സരം കാണാന്‍ യുഎഇയിലെത്തിയിട്ടുണ്ട്. ചെന്നൈ സൂപ്പര്‍ കിങ്‌സിനെതിരേ ആര്‍സിബി ജയിച്ച കഴിഞ്ഞ മല്‍സരത്തില്‍ കോലി മാച്ച് വിന്നിങ് ഇന്നിങ്‌സ് കളിച്ചപ്പോള്‍ പിന്തുണയുമായി അനുഷ്‌ക സ്റ്റേഡിയത്തിലെത്തിയിരുന്നു.
