Click it and Unblock the Notifications
മാര്നസ് ലാബുഷെയ്ന്
ഓസ്ട്രേലിയന് ക്രിക്കറ്റ് ടീമിലെ ക്ലാസിക് താരമാണ് 26കാരനായ മാര്നസ് ലാബുഷെയ്ന്. 2018ല് ടെസ്റ്റ് അരങ്ങേറ്റം കുറിച്ച അദ്ദേഹം 18 ടെസ്റ്റില് നിന്നായി 60.81 ശരാശരിയില് 1885 റണ്സ് നേടിയിട്ടുണ്ട്. 12 വിക്കറ്റും അദ്ദേഹത്തിന്റെ പേരിലുണ്ട്. 2019-2021 ടെസ്റ്റ് ചാമ്പ്യന്ഷിപ്പിലെ റണ്വേട്ടക്കാരില് തലപ്പത്ത് നില്ക്കുന്ന ലാബുഷെയ്നാണ് നിലവിലെ താരങ്ങളില് ഏറ്റവും കൂടുതല് തലക്ക് ഏറ് മേടിച്ച താരങ്ങളിലൊരാള്. അഞ്ച് തവണയാണ് അദ്ദേഹത്തിന്റെ ഹെല്മറ്റില് പന്തുകൊണ്ടത്.
ഭാഗ്യത്തിന് ഇതുവരെ കാര്യമായ പരിക്കേല്ക്കേണ്ടി വന്നിട്ടില്ല. ആഷസില് ജോഫ്രാ ആര്ച്ചറിന്റെ അതിവേ ബൗണ്സര് ലാബുഷെയ്ന്റെ ഹെല്മറ്റിലടിച്ചത് ആശങ്ക ഉണ്ടാക്കിയിരുന്നു. ബോര്ഡര് ഗവാസ്കര് ട്രോഫിയില് മുഹമ്മദ് സിറാജും ലാബുഷെയ്ന്റെ ഹെല്മറ്റില് പന്ത് കൊള്ളിച്ചു.
അജിന്ക്യ രഹാനെ
ഇന്ത്യന് ടെസ്റ്റ് ടീം ഉപ നായകന് അജിന്ക്യ രഹാനെയുടെയും ഹെല്മറ്റില് അഞ്ച് തവണയാണ് പന്ത് കൊണ്ടത്. ഇന്ത്യയുടെ മധ്യനിരയിലെ വിശ്വസ്തനായ രഹാനെക്ക് 2013-2014ലെ ദക്ഷിണാഫ്രിക്കന് പരമ്പരയ്ക്കിടെ തലക്ക് ഏറ് കിട്ടിയിരുന്നു. ഡെയ്ല് സ്റ്റെയിന്റെ പന്ത് അന്ന് ഹെല്മറ്റിനടിച്ച അനുഭവം അഭിമുഖങ്ങളിലടക്കം രഹാനെ തുറന്ന് പറഞ്ഞിട്ടുണ്ട്. 2020ല് ഇന്ത്യ ന്യൂസീലന്ഡില് ടെസ്റ്റ് കളിച്ചപ്പോഴും കിവീസ് ബൗളര്മാരുടെ ഷോര്ട്ട് ബോളുകളും അതിവേഗ ബൗണ്സറുകളും രഹാനെയുടെ ഹെല്മറ്റിലും ശരീരത്തിലും കൊണ്ടിരുന്നു.
റോറി ബേണ്സ്
ഇംഗ്ലണ്ട് യുവ ഓപ്പണര് റോറി ബേണ്സാണ് പട്ടികയിലുള്ള മറ്റൊരാള്.24 ടെസ്റ്റ് മാത്രമേ കളിച്ചിട്ടുള്ളുവെങ്കിലും ഇതിനോടകം അഞ്ച് തവണ താരം പന്ത് ഹെല്മറ്റിന് ഏറ്റുവാങ്ങിക്കഴിഞ്ഞു. അതിവേഗ ബൗണ്സറുകളും ഷോര്ട്ട് ബോളുകളും താരത്തെ വല്ലാതെ പ്രയാസപ്പെടുത്തുന്നു.നിലവില് നടന്നുകൊണ്ടിരിക്കുന്ന ന്യൂസീലന്ഡിനെതിരായ ടെസ്റ്റില് കെയ്ല് ജാമിസന്റെ ബൗണ്സര് റോറി ബേണ്സിന്റെ ഹെല്മറ്റില് പതിച്ചിരുന്നു.
Continue with Google