ഒടുവില്‍ ധോണി ചെന്നൈ സൂപ്പര്‍ കിങ്സിന്റെ പടിയിറങ്ങുന്നു... ഇനിയെങ്ങോട്ട്

ഐപിഎല്ലിലെ താരം

2008 ല്‍ ആദ്യ ഐപിഎല്‍ ലേലം നടക്കുമ്പോള്‍ എംഎസ് ധോണിയായിരുന്നു താരം. അന്ന് 7.5 കോടി രൂയ്ക്കാണ് ചെന്നൈ സൂപ്പര്‍ കിംങ്സ് ധോണിയെ സ്വന്തമാക്കിയത്.

ചെന്നൈയ്ക്ക് സ്വന്തം

ഐപിഎല്ലില്‍ ചെന്നൈ ടീമിനെ വന്‍ ബ്രാന്‍ഡ് ആക്കി ഉയര്‍ത്തിയതില്‍ ധോണിയുടെ പങ്ക് ചെറുതല്ല. രണ്ട് തവണ ഐപിഎല്‍ കിരീടവും രണ്ട് തവണ ചാമ്പ്യന്‍സ് ലീഗി കിരീടവും സ്വന്തമാക്കിയ ചരിത്രമുണ്ട് സൂപ്പര്‍ കിംഗ്‌സിന്.

വിലക്ക് വീണപ്പോള്‍

ഐപിഎല്‍ വാതുവപ്പ് കേസിലാണ് ചെന്നൈ സൂപ്പര്‍ കിങ്സിനും രാജസ്ഥാന്‍ റോയല്‍സിനും വിലക്ക് വീണത്. രണ്ട് വര്‍ഷത്തേയ്ക്കാണ് സസ്‌പെന്‍ഷന്‍.

ധോണി എന്ത് ചെയ്യും

ചെന്നൈ സൂപ്പര്‍ കിങ്സ്കളിച്ചില്ലെങ്കില്‍ ധോണി എന്ത് ചെയ്യും എന്നായിരുന്നു ചോദ്യം. അതിനുള്ള ഉത്തരമാണ് ഇപ്പോള്‍ പുറത്ത് വരുന്നത്. ടൈംസ് ഓഫ് ഇന്ത്യയാണ് ഈ വാര്‍ത്ത റിപ്പോര്‍ട്ട് ചെയ്തത്.

ധോണി കളിയ്ക്കും

അടുത്ത ഐപിഎല്‍ സീസണില്‍ ധോണി കളിയ്ക്കുമെന്നാണ് വാര്‍ത്ത. ചെന്നൈ ഇല്ലാത്ത സ്ഥിതിയ്ക്ക് മറ്റേതെങ്കിലും ടീമിന് വേണ്ടിയായിരിയ്ക്കും.

പുതിയ ഫ്രാഞ്ചൈസി

ചെന്നൈയ്ക്കും രാജസ്ഥാനും പകരും പുതിയ രണ്ട് ഫ്രാഞ്ചൈസികള്‍ ഉണ്ടാകും എന്ന് ഉറപ്പാണ്. ഇവരില്‍ ആരെങ്കിലും തന്നെയാകും ധോണിയെ ലക്ഷ്യമിടുക എന്ന് ഉറപ്പാണ്.

സൂപ്പര്‍ കിംഗ്‌സ് ഒന്നും പറയില്ല

രണ്ട് വര്‍ഷം ഐപിഎല്ലില്‍ നിന്ന് വിട്ടുനില്‍ക്കാന്‍ ധോണിയോട് ആവശ്യപ്പെടില്ലെന്ന് സൂപ്പര്‍ കിങ്സ് അധികൃതര്‍ തന്നെ വ്യക്തമാക്കിയിട്ടുണ്ട്. എന്നാല്‍ തങ്ങള്‍ തിരിച്ചെത്തുമ്പോള്‍ ധോണിയ്ക്ക് തന്നെ ആയിരിയ്ക്കും പ്രഥമ പരിഗണനയെന്നും പറയുന്നു.

നിറം മാറേണ്ടിവരും

ഐപിഎല്ലില്‍ ധോണിയെ മഞ്ഞക്കുപ്പായത്തില്‍ മാത്രമേ കണ്ടിട്ടുള്ളൂ. ധോണിയുടെ ആരാധകരുടെ മനസ്സില്‍ പതിഞ്ഞുപോയ വേഷമാണത്. അടുത്ത സീസണില്‍ ധോണിയുടെ ജേഴ്‌സി ഏതായിരിയ്ക്കും എന്നാണ് ചോദ്യം.

ശ്രീനിവാസനെ കണ്ടത്

ചെന്നൈ സൂപ്പര്‍ കിങ്സ് ഉടമ ശ്രീനിവാസനെ ധോണി വീട്ടില്‍ പോയി കണ്ടത് കഴിഞ്ഞ ദിവസം വലിയ ചര്‍ച്ചയായിരുന്നു. പുതിയ ടീമിലേയ്ക്ക് മാറുന്നത് സംബന്ധിച്ച ചര്‍ച്ചക്കായിരുന്നോ ഇതെന്നും ചിലര്‍ സംശയം പ്രകടിപ്പിയ്ക്കുന്നുണ്ട്.

ഫോമിലെത്തി

ഏറെ നാളായി ഫോം കണ്ടെത്താന്‍ വിഷമിയ്ക്കുകയായിരുന്ന ധോണി ദക്ഷിണാഫ്രിയ്ക്കക്കെതിരെയുള്ള ഏകദിന പരമ്പരയില്‍ ഫോം തിരിച്ചുപിടിയ്ക്കുന്ന കാഴ്ചയാണ് കണ്ടത്. വിമര്‍ശകരുടെ വായടപ്പിയ്ക്കുന്ന പ്രകടനമായിരുന്നു ധോണിയുടേത്.