Click it and Unblock the Notifications
റാഷിദ് തിരിച്ചെത്തുമെന്ന് പ്രതീക്ഷ
റാഷിദ് ഇപ്പോള് സുഖപ്പെട്ടുവരിയാണെന്ന് ഗുല്ബാദിന് പറഞ്ഞു. ഡോക്ടറുടെ നിര്ദ്ദേശം അനുസരിച്ചാണ് ഫീല്ഡില് ഇറങ്ങാതിരുന്നത്. പൂര്ണ വിശ്രമമാണ് പറഞ്ഞരിക്കുന്നതെന്നതിനാല് താരം തിരിച്ചുവരുമെന്നാണ് പ്രതീക്ഷ. മത്സരത്തിന് ഇടവേളകിട്ടിയതും ആശ്വാസമായി. അപ്പോഴേക്കും തിരിച്ചുവരുമെന്നാണ് കരുതുന്നതെന്നും ഗുല്ബാദിന് വ്യക്തമാക്കി.
കൂടുതല് പരിശോധനകള് നടത്തും
അഫ്ഗാനിലെ ജനത കരുത്തരാണ്. ഏത് കഠിനമായ അവസ്ഥയിലും തിരിച്ചുവരാന് അവര്ക്ക് കഴിയും. റാഷിദിന് കൂടുതല് വിശ്രമം ആവശ്യമായി വന്നാല് അത് തങ്ങള്ക്ക് തലവേദനയാകും. ആശുപത്രിയില് പോയി ചില പരിശോധനകള് കൂടി നടത്താനാണ് തീരുമാനം. തങ്ങളെ സംബന്ധിച്ച് ഇത് ചെറിയൊരു കാര്യമാണെന്നും ഗുല്ബാദിന് പറഞ്ഞു.
ന്യൂസിലന്ഡിന് വിജയം
റാഷിദ് ഖാന് പരിക്കേറ്റതോടെ മൂര്ച്ചകുറഞ്ഞ അഫ്ഗാന് ബൗളിങ്ങിനെ മറികടന്ന് ന്യൂസിലന്ഡ് 7 വിക്കറ്റിന് ജയിച്ചിരുന്നു. അഫ്ഗാന് ഉയര്ത്തിയ 173 റണ്സ് വിജയലക്ഷ്യം 32.1 ഓവറില് മൂന്ന് വിക്കറ്റ് നഷ്ടത്തില് കിവീസ് മറികടന്നു. 107 പന്തുകള് ബാക്കി നില്ക്കെയായിരുന്നു കിവീസിന്റെ ജയം. ന്യൂസിലന്റിന്റെ തുടര്ച്ചയായ മൂന്നാം ജയമാണിത്. കെയിന് വില്യംസണിന്റെ അര്ധ സെഞ്ച്വറിയാണ് ന്യൂസിലന്റിന് ഗുണകരമായത്. വില്യംസണ് 99 പന്തില് 79 റണ്സുമായി പുറത്താവാതെ നിന്നു.
Continue with Google