മികച്ച സ്വിങ് ബൗളര്
നിലവില് ഇന്ത്യയുടെ ഏറ്റവും മികച്ച സ്വിങ് ബൗളര് യുവി തന്നെയാണെന്നതില് തര്ക്കമുണ്ടാവില്ല. പന്തിനെ ഇരുവശങ്ങളിലേക്കും സ്വിങ് ചെയ്യിക്കുന്നതില് താരം മിടുക്കനാണ്. പെര്ത്തിലേതു പോലെ പച്ചപ്പുള്ള പുതിയ പിച്ചില് വിസ്മയിപ്പിക്കുന്ന പ്രകടനം നടത്താന് അദ്ദേഹത്തിനാവും. ഭുവിയുടെ ശൈലിക്കു ഏറെ അനുയോജിക്കുന്ന പിച്ചാണ് പെര്ത്തിലേത്.
ഭുവി ടീമിലുണ്ടായിരുന്നെങ്കില് കളിയുടെ തുടക്കത്തില് തന്നെ ഇന്ത്യക്കു ബ്രേക്ക്ത്രൂകള് നല്കാന് സാധിക്കുമായിരുന്നു. പെര്ത്തില് ഒന്നാം വിക്കറ്റില് ഓപ്പണര്മാര് സെഞ്ച്വറി കൂട്ടുകെട്ടുണ്ടാക്കിയിരുന്നു.
ബൗളിങിലെ വൈവിധ്യം
സ്വിങ് ചെയ്യിക്കാനുള്ള കഴിവ് മാത്രമല്ല ബൗളിങിലെ വ്യത്യസ്തതയും ഭുവിയെ മറ്റു ഇന്ത്യന് ബൗളര്മാരില് നിന്നു വ്യത്യസ്തനാക്കുന്നു. ബാറ്റ്സ്മാന്റെ കണക്കുകൂട്ടലുകള് തെറ്റിച്ചു കൊണ്ട് വ്യത്യസ്ത രീതിയില് പന്തെറിഞ്ഞ് പല തവണ ഭുവി നേരത്തേ വിക്കറ്റുകള് കൊയ്തിട്ടുണ്ട്.
നിലവിലെ ഇന്ത്യന് ടീമില് ഒരു സ്പിന്നര് പോലുമില്ലാത്തതിനാല് ബൗളിങില് വൈവിധ്യം കൊണ്ടു വരാന് ശേഷിയുള്ള ഭുവിയുടെ അഭാവം ഇന്ത്യക്കു നികത്താനാവാത്ത നഷ്ടം തന്നെയാണ്.
കൂടുതല് ഓവറുകള് ബൗള് ചെയ്യിക്കാം
നിലവില് പ്ലെയിങ് ഇലവനിലുള്ള പേസര്മാരേക്കാള് കൂടുതല് ഓവറുകള് ഇന്ത്യക്കു ബൗള് ചെയ്യിക്കാവുന്ന താരമാണ് ഭുവി.
അധികം വേഗമില്ലെന്നതും സിംപിളായ ബൗളിങ് ആക്ഷനാണെന്നതുമാണ് ഭുവിക്കു മുതല്ക്കൂട്ടാവുന്നത്. ഭുവിയുടെ സാന്നിധ്യം ടീമിലെ മറ്റു പേസര്മാര്ക്കു ചെറിയൊരു ബ്രേക്ക് നല്കാനും കൂടുതല് കരുത്തോടെ അടുത്ത സ്പെല് എറിയാന് സഹായിക്കുകയും ചെയ്യുമായിരുന്നു.