തോറ്റു, പരമ്പര പോയി, കാണികള്‍ കൂവി, കളി നിര്‍ത്തി.... ഇന്ത്യന്‍ ക്രിക്കറ്റിന് നാണക്കേടിന്റെ ദിവസം!

ഈ കളി നടക്കൂല

ദക്ഷിണാഫ്രിക്കയുടെ ബാറ്റിംഗിനിടെ കാണികള്‍ പ്രശ്‌നമുണ്ടാക്കിയതിനെ തുടര്‍ന്ന് കളി മുടങ്ങിയപ്പോള്‍. താരങ്ങളും അംപയര്‍മാരും ഫീല്‍ഡിന് പുറത്തേക്ക്

ധോണി ഇങ്ങനെ നടന്നോ

ടെസ്റ്റില്‍ നിന്നും വിരമിച്ച ധോണി ലിമിറ്റഡ് ഓവര്‍ ക്രിക്കറ്റിലും തന്റെ കാലം കഴിഞ്ഞു എന്ന സൂചനയാണ് നല്‍കുന്നത്. ബാറ്റിംഗില്‍ അമ്പേ പരാജയമായ ധോണിക്ക് ക്യാപ്റ്റന്‍സിയിലും അത്ഭുതങ്ങളൊന്നും കാട്ടാന്‍ പറ്റിയില്ല.

തകര്‍പ്പന്‍ ബൗളിംഗ്

ഉജ്വലമായ ബൗളിംഗാണ് ദക്ഷിണാഫ്രിക്ക പുറത്തെടുത്തത്. മാന്‍ ഓഫ് ദ മാച്ച് മോര്‍ക്കല്‍ മൂന്ന് വിക്കറ്റ് വീഴ്ത്തിയപ്പോള്‍ മോറിസും താഹിറും രണ്ട് വീതം വിക്കറ്റെടുത്തു.

എല്ലാം കൊണ്ടും വേദന

22 റണ്‍സെടുത്ത് റണ്ണൗട്ടായ രോഹിത് ശര്‍മയാണ് ഇന്ത്യയുടെ ടോപ് സ്‌കോറര്‍. ബാറ്റിംഗിനിടെ കയ്യില്‍ വേദന കൊണ്ട് പുളയുന്ന രോഹിത്.

ടോപ് ക്ലാസ് ഷോട്ട്

മികച്ച തുടക്കമാണ് രോഹിത് ശര്‍മയ്ക്ക് കിട്ടിയത്. പക്ഷേ റണ്ണൗട്ടായിപ്പോയി. ഉജ്വലമായ ഒരു ത്രോയിലൂടെ മില്ലര്‍ പുറത്താക്കുന്നതിന് മുമ്പേ രോഹിതിന്റെ വക ഒരു ക്ലാസിക് സ്‌ട്രൈറ്റ് ഡ്രൈവ്

ധവാന്റെ പരാജയം നിര്‍ണായകം

ഇന്ത്യയുടെ ട്വന്റി 20 വിജയങ്ങളില്‍ ശിഖര്‍ധവാന്‍ നല്‍കുന്ന തുടക്കങ്ങള്‍ക്ക് വലിയ പ്രാധാന്യമുണ്ട്. കട്ടക്കില്‍ ധവാന്‍ നേരത്തെ ഔട്ടായി.