Click it and Unblock the Notifications
തോണി തുഴഞ്ഞ് ധോണി
47 റണ്സെടുത്ത് രണ്ടാമത്തെ ടോപ്സ്കോററായെങ്കിലും ഇന്ത്യന് ഇന്നിംഗ്സിലെ ഏറ്റവും ദയനീയ കാഴ്ചയായിപ്പോയി എം എസ് ധോണി. 75 പന്തുകള് തട്ടിയും മുട്ടിയും കളിച്ച ധോണി ഒരിക്കല് പോലും മികച്ച ടച്ചിലെത്തിയില്ല. ആകെ അടിക്കാന് കഴിഞ്ഞത് മൂന്നേ മൂന്ന് ബൗണ്ടറികള്.
ധവാന് ഫിഫ്റ്റി, പക്ഷേ കാര്യമില്ല
53 റണ്സെടുത്ത ശിഖര് ധവാനാണ് ഇന്ത്യയുടെ ടോപ് സ്കോറര്. 60 പന്തില് 7 ഫോറുകളുടെ സഹായത്തോടെയാണ് ശിഖര് അര്ധസെഞ്ചുറി കടന്നത്.
ദയനീയം ഇന്ത്യന് ബാറ്റിംഗ്
രോഹിത് ശര്മ, റായുഡു, പട്ടേല് എന്നിങ്ങനെ മൂന്ന് പേരാണ് പൂജ്യത്തിന് പുറത്തായത്. രണ്ടക്കം കടക്കാത്ത മറ്റ് മൂന്ന് പേര് കൂടിയുണ്ട് ടീമില്.
എന്ത് ക്യാപ്റ്റന്സിയാണ് ഇത്
മികച്ച ഫോമില് കളിക്കുന്ന രഹാനെയെ മാറ്റി പകരം റായുഡുവിനെ ഇറക്കി. റായുഡു പൂജ്യത്തിന് പുറത്തായി. രണ്ട് ഇടംകൈയന്മാര് അടക്കം മൂന്ന് സ്പിന്നര്മാരെയാണ് ധോണി കളിപ്പിച്ചത്.
മുസ്താഫിസുര് റഹ്മാന് ആള് പുലി തന്നെ
തുടര്ച്ചയായ രണ്ടാം ഏകദിനത്തിലും ഇന്ത്യന് ബാറ്റിംഗിനെ വിറപ്പിച്ചു വിട്ടു 20 പോലും തികയാത്ത ഈ തുടക്കക്കാരന് ഫാസ്റ്റ് ബൗളര്. രണ്ട് കളികളിലായി 11 വിക്കറ്റാണ് റഹ്മാന്റെ സമ്പാദ്യം
ഷക്കീബ് മിസ്റ്റര് റിലയബ്ള്
3 വിക്കറ്റിന് 98 എന്ന നിലയില് ചെറുതായി ഒന്ന് പരുങ്ങിയ ബംഗ്ലാദേശിനെ തകര്പ്പന് ഒരു അര്ധസെഞ്ചുറിയോടെ ഷക്കീബ് അല് ഹസന് ജയത്തിലെത്തിച്ചു.
Continue with Google