കോലി 143നോട്ടൗട്ട്, ധവാന്‍ വിശ്വാസം കാത്തു.. ഒന്നാം ടെസ്റ്റില്‍ ഇന്ത്യ ഡബിള്‍ സ്‌ട്രോങ്, നാലിന് 302

വിരാട് കോലിയുടെ സെഞ്ചുറി

ഇന്ത്യ - വെസ്റ്റ് ഇന്‍ഡീസ് ടെസ്റ്റില്‍ ഇതുവരെയുള്ള ഹൈലൈറ്റ് വിരാട് കോലിയുടെ സെഞ്ചുറി തന്നെ. വെസ്റ്റ് ഇന്‍ീഡീസിനെതിരെ കോലിയുടെ ആദ്യത്തെ സെഞ്ചുറിയാണിത്. 197 പന്തില്‍ 143 റണ്‍സുമായി പുറത്താകാതെ നില്‍ക്കുകയാണ് ഇന്ത്യന്‍ ക്യാപ്റ്റന്‍.

ധവാനും തിളങ്ങി

കെ എല്‍ രാഹുലിന് മേല്‍ ശിഖര്‍ ധവാനെ ഓപ്പണറക്കാനുള്ള വിരാട് കോലിയുടെ തീരുമാനവും ഫലം കണ്ടു. 147 പന്തില്‍ 84 റണ്‍സാണ് ധവാന്‍ അടിച്ചത്. 9 ഫോറും 1 സിക്‌സും ധവാന്‍ പറത്തി.

ബിഷുവാണ് വില്ലനായത്

ആദ്യം ബാറ്റ് ചെയ്യുന്ന ഇന്ത്യന്‍ ഇന്നിംഗ്‌സില്‍ നഷ്ടമായ നാലില്‍ മൂന്നും ലെഗ് സ്പിന്നര്‍ ദേവേന്ദ്ര ബിഷുവാണ് വീഴ്ത്തിയത്. ധവാന്‍, പൂജാര, രഹാനെ എന്നിവരാണ് ബിഷുവിന് മുന്നില്‍ കീഴടങ്ങിയത്.

മുരളി വിജയ് പരാജയം

വെസ്റ്റ് ഇന്‍ഡീസില്‍ ടെസ്റ്റ് കളിച്ച് പരിചയമുള്ള രണ്ട് ബാറ്റ്‌സ്മാന്‍മാരില്‍ ഒരാളാണ് വിജയ്. മറ്റേയാള്‍ കോലിയും. പക്ഷേ 7 റണ്‍സെടുക്കാനേ ഇന്ത്യന്‍ ഓപ്പണര്‍ക്ക് കഴിഞ്ഞുള്ളൂ.

തുടക്കം കളഞ്ഞ് പൂജാരയും രഹാനയും

മികച്ച തുടക്കം കിട്ടിയിട്ടും അജിന്‍ക്യ രഹാനെയ്ക്കും ചേതേശ്വര്‍ പൂജാരയ്ക്കും അത് മുതലാക്കാനായില്ല. പൂജാര 16ഉം രഹാനെ 22ഉം റണ്‍സെടുത്ത് പുറത്തായി. അശ്വിന്‍ 22 റണ്‍സുമായി പുറത്താകാതെ നില്‍ക്കുന്നു.