ദില്ലി: ലോകകപ്പിലെ ദുര്ബലരുടെ മത്സരത്തില് അഞ്ചു വിക്കറ്റിന് കാനഡ കെനിയയെ വീഴ്ത്തി. കെനിയയെ 50 ഓവറില് 198ന് എറിഞ്ഞു വീഴ്ത്തിയതിന് ശേഷം 27പന്തും അഞ്ചു വിക്കറ്റും ശേഷിക്കെയാണ് കാനഡ വിജയം കണ്ടത്. ഈ ലോകകപ്പിലെ കാനഡയുടെ ആദ്യ ജയമാണിത്. 48ന് മൂന്ന് എന്ന നിലയില് പതറിയിരുന്ന കാനഡയെ നാലാം വിക്കറ്റില് 132 റണ് നേടിയ ആശിഷ് ബഗായ് (64*), ജിമ്മി ഹന്സ്ര (70) സഖ്യമാണ് വിജയത്തിലേക്ക് നയിച്ചത്.

കാനഡയ്ക്ക് വേണ്ടി ഹെന്ട്രി ഒസിന്ഡി നാല് വിക്കറ്റ് വീഴ്ത്തി. ഒസിന്ധ് 26 റണ്സ് വഴങ്ങി നാലു വിക്കറ്റും റിസ്വാന് ചീമയും ഹര്വീര് ബാദ്വാനും രണ്ടു വിക്കറ്റ് വീതവും ബാലാജി റാവുവും ഡേവിസണും ഓരോ വിക്കറ്റുമെടുത്തു. ഒസിന്ധാണ് മത്സരത്തിലെ താരം.
കളിച്ച നാലു മത്സരങ്ങളും തോറ്റ കെനിയയുടെ ലോകകപ്പ് പ്രതീക്ഷകള് ഇതോടെ അവസാനിച്ചിരിയ്ക്കുകയാണ്.