ബാങ്കോക്ക്: വനിത വിഭാഗം സിംഗിള്സില് രണ്ടാം സീഡും ഇന്ത്യന് സെന്സേഷനുമായ പിവി സിന്ധു തായ്ലാന്ഡ് ഓപ്പണ് ബാഡ്മിന്റണ് ടൂര്ണമെന്റിന്റെ ക്വാര്ട്ടര് ഫൈനലില് കടന്നു. എന്നാല്, ടൂര്ണമെന്റില് ഇന്ത്യന് കിരീട പ്രതീക്ഷകളായിരുന്ന എച്ച്എസ് പ്രണോയിയും പി കശ്യപും പ്രീക്വാര്ട്ടറില് തോറ്റ് പുറത്തായി.
പ്രീക്വാര്ട്ടറില് ഹോങ്കോങിന്റെ യിപ് പുയി യിനിനെയാണ് സിന്ധു തോല്പ്പിച്ചത്. സ്കോര്: 21-16, 21-14. ക്വാര്ട്ടര് ഫൈനലില് മലേഷ്യയുടെ സോണിയ ചെഹ് സു യാണ് സിന്ധുവിന്റെ എതിരാളി.
പ്രീക്വാര്ട്ടറില് നാലാം സീഡായ പ്രണോയിയെ ഇന്തോനേഷ്യയുടെ സോണി കുന്കോറോയാണ് അട്ടിമറിച്ചത്. സ്കോര്: 21-18, 21-14. ജപ്പാനീസ് താരമായ കാന്റെ സുനെയാമയോടാണ് കശ്യപ് തോല്വി വഴങ്ങിയത്. സ്കോര്: 18-21, 21-18, 21-19.