ലോക ബാഡ്മിന്റണ്‍ ചാമ്പ്യന്‍ഷിപ്പ്; ആദ്യ റൗണ്ടില്‍ രക്ഷപ്പെട്ട് ശ്രീകാന്ത്, പ്രണോയിക്കും ജയം

ബാസെല്‍: സ്വിറ്റ്‌സര്‍ലന്‍ഡില്‍ ആരംഭിച്ച ലോക ബാഡ്മിന്റണ്‍ ചാമ്പ്യന്‍ഷിപ്പില്‍ ഇന്ത്യന്‍താരങ്ങളായ കെ ശ്രീകാന്തും എച്ച് എസ് പ്രണോയിയും രണ്ടാം റൗണ്ടിലെത്തി. അതേസമയം സമീര്‍ വര്‍മ ആദ്യ മത്സരത്തില്‍ തോറ്റ് പുറത്തായി. അയര്‍ലന്‍ഡിന്റെ നാട്ട് ന്യൂയെനിനോട് 17-21, 21-16, 21-6 എന്ന സ്‌കോറിനായിരുന്നു ശ്രീകാന്തിന്റെ ജയം. ആദ്യ സെറ്റ് നഷ്ടമായശേഷം രണ്ടാം സെറ്റില്‍ എതിരാളിയുടെ കടുത്ത ഭീഷണി മറികടന്നാണ് ശ്രീകാന്ത് രണ്ടാം റൗണ്ടിലെത്തിയത്.

പ്രണോയിയും ഏറെ വിയര്‍പ്പൊഴുക്കിയാണ് ആദ്യ റൗണ്ടില്‍ ജയം കണ്ടെത്തിയത്. 93-ാം റാങ്കുകാരനായ ഫിന്‍ലന്‍ഡിന്‍െ എറ്റു ഹെയ്‌നോയെ 17-21, 21-10, 21-11 എന്ന സ്‌കോറിന് പ്രണോയ് പരാജയപ്പെടുത്തി. മുന്‍ ലോക ചാമ്പ്യന്‍ ചൈനയുടെ ലിന്‍ ഡാന്‍ ആണ് പ്രണോയിയുടെ അടുത്ത എതിരാളി. ഇസ്രായേലി താരം മിഷ സില്‍ബര്‍മാനെ ശ്രീകാന്ത് രണ്ടാം റൗണ്ടില്‍ എതിരിടും.

ക്യാപ്റ്റന്‍ ഡാ... കളിക്കളത്തില്‍ മാത്രമല്ല പുരസ്കാരത്തിലും നായകന്‍, പ്ലെയര്‍ ഓഫ് ദി ഇയര്‍ ക്യാപ്റ്റന്‍ ഡാ... കളിക്കളത്തില്‍ മാത്രമല്ല പുരസ്കാരത്തിലും നായകന്‍, പ്ലെയര്‍ ഓഫ് ദി ഇയര്‍

അതേസമയം, മറ്റൊരു ഇന്ത്യന്‍ പ്രതീക്ഷയായിരുന്ന സമീര്‍ വര്‍മയ്ക്ക് രണ്ടാം റൗണ്ടിലെത്താനായില്ല. ഇന്തോനേഷ്യയുടെ ലോ കീന്‍ യെവിനോട് സമീര്‍ തോല്‍വി വഴങ്ങി. സ്‌കോര്‍ 21-15, 15-21, 10-21. ടൂര്‍ണമെന്റിന്റെ ആദ്യദിവസം പുറത്തായ ഏക ഇന്ത്യന്‍ താരമാണ് സമീര്‍. നേരത്തെ, സായ് പ്രണീത് രണ്ടാം റൗണ്ടില്‍ കടന്നിരുന്നു. ലോക പത്തൊന്‍പതാം റാങ്കുകാരനായ പ്രണീത് റാങ്കിങ്ങില്‍ ഏറെ പിറകിലുള്ള കനേഡിയന്‍ താരം ജേസണ്‍ ആന്റണിയെയാണ് ആദ്യ മത്സരത്തില്‍ തോല്‍പ്പിച്ചത്. സ്‌കോര്‍ 21-17, 21-16. ഇന്ത്യന്‍ ഡബിള്‍സ് താരങ്ങളായ മേഘ്‌ന, പൂര്‍വിഷ റാം ജോഡികളും ലോക ചാമ്പ്യന്‍ഷിപ്പില്‍ ആദ്യ റൗണ്ടില്‍ ജയം കണ്ടെത്തി. ഗ്വാട്ടിമാല സഖ്യത്തെയാണ് തോല്‍പ്പിച്ചത്. സ്‌കോര്‍ 21-10, 21-18.

For Quick Alerts
ALLOW NOTIFICATIONS
For Daily Alerts
Story first published: Tuesday, August 20, 2019, 10:56 [IST]
Other articles published on Aug 20, 2019
X
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Yes No
Settings X