സെയ്‌ന നെഹ്‌വാളിനു കിരീടം

ദില്ലി: സ്വിസ് ഓപണ്‍ ഗ്രാന്‍പ്രീ ഗോള്‍ഡ് ട്രോഫി ബാഡ്മിന്റണ്‍ ടൂര്‍ണമെന്റില്‍ ഇന്ത്യയുടെ സെയ്‌ന നെഹ്‌വാളിനു കിരീടം. പുതിയ സീസണില്‍ സെയ്‌നയുടെ ആദ്യ നേട്ടമാണിത്.

ലോകറാങ്കിങില്‍ അഞ്ചാം സ്ഥാനത്തുള്ള സെയ്‌ന മൂന്നാം റാങ്കുള്ള ഷിക്‌സിയാനെ 21-19, 21-16, 11-3 എന്ന സ്‌കോറിലാണ് മറികടന്നത്. ജപ്പാനില്‍ നിന്നുള്‌ല മിനാത്സു മിതാനിയുടെ ശക്തമായ എതിര്‍പ്പിനെ മറികടന്നാണ് ഈ ഹൈദരാബാദുകാരി ഫൈനല്‍ ബെര്‍ത്ത് ഉറപ്പാക്കിയത്.

ഈ വര്‍ഷം നടന്ന ഒട്ടുമിക്ക ടൂര്‍ണമെന്റുകളിലും സെയ്‌ന മികച്ച പ്രകടനമാണ് നടത്തിയത്. ഓള്‍ ഇംഗ്ലണ്ട് ചാംപ്യന്‍ഷിപ്പ്, കൊറിയന്‍ ഓപണ്‍ എന്നിവയില്‍ ക്വാര്‍ട്ടറിലും മലേഷ്യന്‍ ഓപണിലും സെമിഫൈനലിലും എത്തിയിരുന്നു.