സിംഗപ്പൂര്: സിംഗപ്പൂര് ഓപ്പണ് ബാഡ്മിന്റണ് ചാമ്പ്യന്ഷിപ്പിലെ പുരുഷ വിഭാഗം സിംഗിള്സില് ഇന്ത്യയുടെ സമീര് വര്മയും കെ ശ്രീകാന്തും ക്വാര്ട്ടറില് കടന്നു. ചൈനീസ് താരം ലു ഗൗങ്ഷുവെ 21-15, 21-18 എന്നിങ്ങനെ നേരിട്ടുള്ള സ്കോറിനാണ് സമീര് തോല്പ്പിച്ചത്. ചൈനീസ് തായ്പേയുടെ ചൗ തെയ് ചെന് ആണ് ക്വാര്ട്ടറില് സമീറിന്റെ എതിരാളി.
മറ്റൊരു മത്സരത്തില് കെ ശ്രീകാന്തും വിജയം കണ്ടെത്തി. ഡെന്മാര്ക്കിന്റെ ക്രിസ്റ്റിയന് സോള്ബര്ഗിനെതിരെ 21-12, 23-21 എന്ന സ്കോറിനായിരുന്നു ശ്രീകാന്തിന്റെ വിജയം. ആദ്യ സെറ്റില് അനായാസ ജയം നേടിയ ശ്രീകാന്തിന് രണ്ടാം സെറ്റില് കടുത്തപോരാട്ടം നടത്തേണ്ടിവന്നു. സീസണില് കിരീടങ്ങളൊന്നും നേടിയില്ലാത്ത ശ്രീകാന്ത് സിംഗപ്പൂരില് ജയപ്രതീക്ഷയിലാണ്.
ലോകകപ്പിലെ ഇന്ത്യയുടെ നാലാമന് ഈ താരമായിരിക്കണമെന്ന് കാലിസ്; കാരണവും പറയുന്നു
നേരത്തെ വനിതാ സിംഗിള്സില് പിവി സിന്ധുവും സൈന നേവാളും ക്വാര്ട്ടറിലെത്തിയിരുന്നു. സിന്ധു ഡെന്മാര്ക്കിന്റെ മിയ ബ്ലിഷ്ഫെല്ട്ടിനെ നേരിട്ടുള്ള സെറ്റുകള്ക്കാണ് കീഴ്പ്പെടുത്തിയത്. സ്കോര് 21-13, 21-19. ലോക ആറാം നമ്പര് താരം ചൈനയുടെ സായ് യന്യനാണ് ക്വാര്ട്ടറില് സിന്ധുവിന്റെ എതിരാളി. തായ്ലന്ഡ് താരം പോണ്പാവീ ചോചുവോങ്ങിനെയാണ് സൈന പരാജയപ്പെടുത്തിയത്. സ്കോര് 21-16, 18-21, 2-19.