ജക്കാര്ത്ത: ഇന്തോനേഷ്യന് മാസ്റ്റേഴ്സ് ബാഡ്മിന്റണ് ടൂര്ണമെന്റില് ഇന്ത്യന് താരം സൈന നേവാള് ഫൈനലില് കടന്നു. ചൈനയുടെ ഹി ബിങ്ജിയാവോയെയാണ് സൈന സെമിയില് തോല്പ്പിച്ചത്. സ്കോര് 18-21, 21-12, 21-18. ടൂര്ണമെന്റില് എട്ടാം സീഡായ സൈന തകര്പ്പന് കളിയാണ് സെമിയില് പുറത്തെടുത്തത്. ഫൈനലില് സ്പെയിനിന്റെ കരോലിന മാരിനാണ് സൈനയുടെ എതിരാളി.
ഓസ്ട്രേലിയന് ഓപ്പണ്; വനിതാ സിംഗിള്സില് ഒസാക്കയ്ക്ക് കിരീടം
മൂന്നു സെറ്റിലും ഇരു താരങ്ങളും ഗംഭീരമായ കളി കാഴ്ചവെച്ചു. ദിവസങ്ങള്ക്കുമുന്പ് മലേഷ്യന് ഓപ്പണ് ബാഡ്മിന്റണില് സെമിയില് പരാജയപ്പെട്ട സൈന ഇത്തവണ പിഴവുകളില്ലാത്ത പ്രകടനം പുറത്തെടുത്തു. ആദ്യ സെറ്റുമുതല് സൈന എതിരാളിക്കുമേല് മേല്ക്കൈ നേടിയിരുന്നു. എന്നാല്, ആദ്യ സെറ്റില് 11-7 എന്ന നിലയില് മുന്നിട്ടുനിന്നശേഷം 18-21ന് തോല്വി വഴങ്ങുകയായിരുന്നു.