ഗുവാങ്ഷൗ: ബാഡ്മിന്റണ് സീസണ് ഒടുവില് മുന്നിര താരങ്ങളെ അണിനിരത്തി നടത്തുന്ന ബാഡ്മിന്റണ് വേള്ഡ് ടൂര് ഫൈനല്സില് ഇന്ത്യയുടെ പിവി സിന്ധുവിന് ജയം. ആദ്യ മത്സരത്തില് നിലവിലെ ചാമ്പ്യനും ലോക രണ്ടാം നമ്പറുമായ ജപ്പാന്റെ അകാനെ യമാഗൂച്ചിയെ 24-22, 21-15 എന്ന സ്കോറിനാണ് സിന്ധു കീഴ്പ്പെടുത്തിയത്. കഴിഞ്ഞ സീസണില് സിന്ധു ഇതേ താരത്തോടാണ് ഫൈനലില് തോറ്റത്. അതേസമയം, ഇന്ത്യയുടെ പുരഷതാരം സമീര് വര്മ ആദ്യ കളിയില് തോറ്റു.
ഭാര്യയ്ക്കും കൂട്ടുകാര്ക്കുമൊപ്പം 37-ാം പിറന്നാള് ആഘോഷിച്ച് യുവി; 25 കുട്ടികള്ക്ക് സഹായം
അത്യന്തം വാശിയേറിയ പോരാട്ടത്തിനാണ് സിന്ധു യമാഗൂച്ചി മത്സരം വേദിയാത്. ആദ്യ സെറ്റ് 24-22 എന്ന നിലയില് സിന്ധു നേടുമ്പോള് 27 മിനിറ്റ് പിന്നിട്ടിരുന്നു. 6-11 എന്ന നിലയില് ഒരവസരത്തില് പിന്നിലായിരുന്ന സിന്ധു പിന്നീട് 19-19 എന്ന സ്കോറില് ജാപ്പനീസ് താരത്തെ ഒപ്പം പിടിച്ചാണ് സ്കോര് 24-22 എന്ന നിലയില് സ്വന്തമാക്കിയത്. ഇത്തവണ കാര്യമായ നേട്ടങ്ങള് എത്തിപ്പിടിക്കാന് കഴിയാതിരുന്ന സിന്ധു ലോക ടൂര് ഫൈനല്സ് ജയിച്ച് അടുത്ത സീസണില് തിരിച്ചുവരാമെന്ന പ്രതീക്ഷയിലാണ്.
രണ്ടാം സെറ്റിലും എതിരാളി സിന്ധുവിന് കടുത്ത ഭീഷണിയുയര്ത്തിയെങ്കിലും അവസാന ലാപ്പില് ഇന്ത്യന്താരം ബഹുദൂരം മുന്നിലെത്തി. മറ്റൊരു മത്സരത്തില് സമീര് വര്മ ലോക ഒന്നാം നമ്പര് ജപ്പാന്റെ കെന്റോ മൊമോട്ടയോട് നേരിട്ടുള്ള സെറ്റുകളിലാണ് കീഴടങ്ങിയത്. സ്കോര് 18-21, 6-21. ആദ്യ സെറ്റില് സമീര് പോരാട്ടവീര്യം പുറത്തെടുത്തെങ്കിലും രണ്ടാം സെറ്റില് കാര്യമായ ചെറുത്തുനില്പ് നടത്താന് കഴിഞ്ഞില്ല. മത്സരം 35 മിനിറ്റിനുള്ളില് അവസാനിച്ചു.