പൂണെ: പ്രീമിയര് ബാഡ്മിന് ലീഗ് നാലാം സീസണിലെ ഞായറാഴ്ച നടന്ന മത്സരത്തില് ഹൈദരാബാദ് ഹണ്ടേഴ്സ് അഹമ്മദാബാദ് സ്മാഷേഴ്സിന് 4-3 എന്ന സ്കോറില് തോല്പ്പിച്ചു. ഇന്ത്യന്താരം പിവി സിന്ധുവിന്റെ മിന്നുന്ന പ്രകടനമാണ് ഹൈദരാബാദിനെ മത്സരത്തിലേക്ക് തിരിച്ചുകൊണ്ടുവന്നത്. ഒടുവിലായി നടന്ന പുരുഷ ഡബിള്സ് ഹൈദരാബാദിന്റെ വിജയം ഉറപ്പിക്കുകയായിരുന്നു.
ഏഷ്യന് കപ്പ്: ജയമൊരുക്കിയത് അതേ തന്ത്രം... കരുത്തേകിയത് യുവരക്തം, ഇന്ത്യന് തുടക്കം ഉജ്ജ്വലം
ക്രിസ്റ്റി ഗില്മോറിനെതിരെ സിന്ധു കാട്ടിയ മികവാണ് മത്സരത്തിന്റെ സവിശേഷത. രണ്ടു സെറ്റുകളില് 14-14 എന്ന നിലയില് ഇരുവരും തുല്യതയിലെത്തിയെങ്കിലും പരിചയസമ്പന്നതയും മനസാന്നിധ്യവും സിന്ധുവിന് തുണയായി. 15-14, 12-15, 15-14 എന്ന സ്കോറിനായിരുന്നു സിന്ധുവിന്റെ വിജയം. ഓരോ പോയന്റിനുമായി ഇരു താരങ്ങളും കടുത്തപോരാട്ടമാണ് നടത്തിയത്.
ആദ്യം നടന്ന മിക്സഡ് ഡബിള്സില് ഹൈദരാബാദ് സ്മാഷേഴ്സിനായി ബോധിന് ഇസാര, ഇയോം ഹെ വോന് എന്നിവര് സാത്വിക് സായ് രാജ് റെഡ്ഡി, സിക്കി റെഡ്ഡി സഖ്യത്തെ തോല്പ്പിച്ചു. സ്കോര് 15-14, 15-9. എന്നാല് പിന്നീട് നടന്ന രണ്ട് പുരുഷ ഡബിള്സിലും അഹമ്മദാബാദിനായിരുന്നു ജയം. ഡാരന് ലിവെന്, രാഹുല് യാദവിനെ 15-13, 15-9 എന്ന സ്കോറിനും വിക്ടര് അക്സെല്സെന്, മാര്ക്ക് കാല്ജൗവിനെ 15-11, 13-15, 15-8 എന്ന സ്കോറിനും തോല്പ്പിച്ചു. എന്നാല്, ഒടുവിലായി നടന്ന പുരുഷ ഡബിള്സില് ബോധിന് ഇസാര, കിംസ സാ രംഗ് സഖ്യം സാത്വിക് സായ് രാജ് റെഡ്ഡി, ചുന് ഹെ ലീ സഖ്യത്തെ 15-10, 11-15, 15-14 എന്ന സ്കോറിന് പരാജയപ്പെടുത്തി.