അഹമ്മദാബാദ്: പ്രീമിയര് ബാഡ്മിഡന് ലീഗ് നാലാം സീസണിലെ തിങ്കളാഴ്ച നടന്ന ഇഞ്ചോടിഞ്ച് പോരാട്ടത്തില് അവാധെ വാരിയേഴ്സ് ചെന്നൈ സ്മാഷേഴ്സിനെ 4-3 എന്ന നിലയില് തോല്പ്പിച്ചു. മത്സരങ്ങള് ഏകപക്ഷീയമായെങ്കിലും പോയന്റുനിലയില് ഒപ്പമെത്താന് ഇരു ടീമുകളും കടുത്ത പോരാട്ടമാണ് നടത്തിയത്. 3-3 എന്ന നിലയില് ഇരു ടീമുകളും തുല്യത പാലിച്ചപ്പോള് അവസാന മത്സരത്തില് ഉണര്ന്നു കളിച്ച വാന് സണ് ആണ് അവാധെയ്ക്ക് വിജയമൊരുക്കിയത്.
ഏഷ്യന് കപ്പ്: യെമനീസ് ഗോള്വലയില് ഇറാന്റെ കടന്നാക്രമണം... തകര്ത്തത് അഞ്ച് ഗോളിന്
ആദ്യം നടന്ന പുരുഷ ഡബിള്സില് അവാധെയാണ് വിജയം കണ്ടത്. യാങ് ലീ മാത്തിയാസ് ക്രിസ്റ്റ്യന്സെന് സഖ്യം ക്രിസ് അഡ്കോക്ക്, സുമീത് റെഡ്ഡി സഖ്യത്തെ 15-, 15-5 എന്ന സ്കോറില് തോല്പ്പിച്ചു. പിന്നീട് നടന്ന പുരുഷ സിംഗിള്സിലും അവാധെ വിജയം കണ്ടു. ലീ കെയുന്, ഫെന് ചോങ്ങിനെ 15-7, 15-13 എന്ന സ്കോറിനാണ് തോല്പ്പിച്ചത്.
വനിതാ സിംഗിള്സിലായിരുന്നു ചൈന്നൈ കളിയിലേക്ക് തിരിച്ചുവന്നത്. ബെയ്വന് സാങ്ങിനെ, ഹ്യുയുന് സങ് 15-13, 15-8 എന്ന സ്കോറിന് കീഴ്പ്പെടുത്തി. മിക്സഡ് ഡബിള്സിനും ചെന്നൈയ്ക്കായിരുന്നു ജയം. ക്രിസ് അഡ്കോക്ക്, ഗബ്രിയേല അഡ്കോക്ക് സഖ്യം ക്രിസ്റ്റിയന്സെന് അശ്വിനി പൊന്നപ്പ സഖ്യത്തെ 15-13, 14-15, 15-14 എന്ന സ്കോറിനാണ് തോല്പ്പിച്ചത്. നിര്ണായകമായ അവസാന മത്സരത്തില് വാന് സണ് രാജീവ് ഔസേപ്പിനെ 15-6, 15-6 എന്ന സ്കോറിന് പരാജയപ്പെടുത്തി ടീമിന്റെ ജയമുറപ്പിച്ചു.