ഇന്തോനേഷ്യ ഓപ്പണ്‍ ബാഡ്മിന്റണ്‍: സെയ്‌ന നെഹ്‌വാളിന് തോല്‍വി, ക്വാര്‍ട്ടര്‍ കാണാതെ പുറത്ത്

ജക്കാര്‍ത്ത: ഇന്ത്യന്‍ സെന്‍സേഷന്‍ സെയ്‌ന നെഹ്‌വാള്‍ ഇന്തോനേഷ്യ ഓപ്പണ്‍ ബാഡ്മിന്റണ്‍ ടൂര്‍ണമെന്റിന്റെ ക്വാര്‍ട്ടര്‍ ഫൈനല്‍ കാണാതെ പുറത്ത്. വനിത വിഭാഗം സിംഗിള്‍സില്‍ ചൈനയുടെ ചെന്‍ യുഫെയിയോട് തോറ്റാണ് സെയ്‌ന പുറത്തായത്. നേരിട്ടുള്ള സെറ്റുകള്‍ക്കായിരുന്നു ചൈനീസ് താരത്തിനെതിരേ സെയ്‌നയുടെ തോല്‍വി. സ്‌കോര്‍: 18-21, 15-21.

നേരത്തെ, ഇന്ത്യയുടെ പിവി സിന്ധുവും എച്ച്എസ് പ്രണോയിയും ടൂര്‍ണമെന്റിന്റെ ക്വാര്‍ട്ടര്‍ ഫൈനലിലേക്ക് മുന്നേറിയിരുന്നു. ക്വാര്‍ട്ടറില്‍ സിന്ധു ചൈനയുടെ ഹി ബിന്‍ഗ്ജിയോവിനെയും പ്രണോയ് ചൈനയുടെ ഷി യുക്കിയെയും എതിരിടും.