ജ്വാല ഗുട്ടയെ ആജീവനാന്തം വിലക്കണോ?

തുടക്കം ഐ ബി എല്ലില്‍

ഐ ബി എല്ലില്‍ ബംഗാ ബീറ്റ്‌സിനെതിരായ ദില്ലി സ്മാഷേഴ്‌സിന്റെ കളിയിലാണ് വിവാദങ്ങള്‍ തുടങ്ങുന്നത്. നിശ്ചയിച്ച താരത്തെ മാറ്റി മറ്റൊരു കളിക്കാരനെ ബംഗാബീറ്റ്‌സ് ഇറക്കിയത് ജ്വാല ചോദ്യം ചെയ്തതാണ് പ്രശ്‌നമായത്.

നോട്ടീസ്

തര്‍ക്കം മൂലം കളി മുക്കാല്‍ മണിക്കൂറോളം വൈകി. വിഷയത്തില്‍ ജ്വാലയ്ക്ക് അച്ചടക്ക സമിതി നോട്ടീസ് നല്‍കി.

വിശദീകരണം ഇങ്ങനെ

ദില്ലി ക്യാപ്ടനായതിനാലാണ് വിഷയത്തില്‍ ഇടപെട്ടതെന്നും അത് തന്റെ ചുമതലയാണെന്നും ജ്വാല മറുപടി നല്‍കിയെങ്കിലും അച്ചടക്ക സമിതിക്ക് അത് ബോധിച്ചില്ല.

വിലക്ക്

അച്ചടക്ക ലംഘനത്തിന്റെ പേരില്‍ ആജീവനാന്തം വിലക്കിനുള്ള ശുപാര്‍ശയാണ് അച്ചടക്ക സമിതി നിര്‍ദ്ദേശിച്ചത്.

ടീമിന് പുറത്ത്

വിലക്ക് പ്രാബല്യത്തില്‍ വരുന്നതിന് മുന്‍പ് തന്നെ ജ്വാല ഗുട്ട ടീമിന് പുറത്തായി. അടുത്തമാസം നടക്കുന്ന ഡെന്മാര്‍ക്ക്, ഫ്രഞ്ച് ഓപ്പണുകളില്‍ ജ്വാലയെ ടീമിലെടുത്തിട്ടില്ല.

പുകഞ്ഞ കൊള്ളി പുറത്ത്

ലോക ബാഡ്മിന്റണ്‍ ചാമ്പ്യന്‍ ഷിപ്പിലെ വെങ്കല മെഡലിസ്റ്റും കോമണ്‍ വെല്‍ത്ത് ഗെയിംസിലെ സ്വര്‍ണ മെഡലിസ്റ്റുമാണ് ജ്വാല. പക്ഷേ പറഞ്ഞിട്ടെന്ത്, പുകഞ്ഞ കൊള്ളി പുറത്തെന്ന നിലപാടില്‍ ഉറച്ചുനില്‍ക്കുകയാണ് ബായി.

കോടതിയില്‍

വിലക്കിനെതിരെ ജ്വാല ഗുട്ട ഡല്‍ഹി ഹൈക്കോടതിയെ സമീപിച്ചിട്ടുണ്ട്. ബാഡ്മിന്റണ്‍ അസോസിയേഷനില്‍ നിന്ന് നീതികിട്ടില്ല എന്നുറപ്പായതിനാലാണ് കോടതിയെ സമീപിച്ചതെന്നാണ് താരത്തിന്റെ ബന്ധുക്കള്‍ വിശദീകരിക്കുന്നത്.

വിലക്കിലും വിവാദം

ജ്വാലയെ വിലക്കിയ വിവരം മാദ്ധ്യമങ്ങളെ ആദ്യം അറിയിച്ച ബായുടെ നടപടിയും വിവാദത്തിലായി. കോ്ച്ച് എസ് എം ആരിഫാണ് ഇതിനെ ചോദ്യം ചെയ്തിരിക്കുന്നത്.

മാപ്പ് പറയുമോ ജ്വാല

മാപ്പുപറഞ്ഞാല്‍ വിലക്ക് പിന്‍വലിക്കാമെന്ന് അച്ചടക്ക സമിതി ഒത്തുതീര്‍പ്പിന് വന്നെങ്കിലും അത് നടക്കില്ല എന്നാണ് താരത്തിന്റെ നിലപാട്

വാശി വേണോ ജ്വാലേ?

വാശികൊണ്ട് കരിയര്‍ തന്നെ ഇല്ലാതാകും എന്ന നിലയിലാണ് ജ്വാല ഗുട്ട. അടിപിടിയും വിവാദങ്ങളും ആവശ്യത്തിനുണ്ടെങ്കിലും ഡബിള്‍സ് ടീമിന് നേട്ടങ്ങള്‍ കൊണ്ടുവന്ന താരമായിരുന്നു ഈ ഹൈദരാബാദുകാരി.