ദില്ലി: തുടര്‍ച്ചയായ രണ്ട് ഒളിമ്പിക്‌സുകളില്‍ ഇന്ത്യയ്ക്കുവേണ്ടി മെഡല്‍നേടിയ ഇന്ത്യയുടെ എക്കാലത്തെയും മികച്ച ഗുസ്തി താരങ്ങളിലൊരാളാണ് സുശീല്‍ കുമാര്‍. എന്നാല്‍, പ്രായം തളര്‍ത്തിയ ഗുസ്തി വീരന്‍ അടുത്തിടെ മികച്ച ഫോമിലല്ല. കോമണ്‍വെല്‍ത്ത് ഗെയിംസില്‍ സ്വര്‍ണം നേടിയിരുന്നെങ്കിലും ഏഷ്യന്‍ ഗെയിംസില്‍ ആദ്യ റൗണ്ടില്‍ത്തന്നെ പുറത്തായത് ആരാധകരെ ഞെട്ടിച്ചിരുന്നു.
Advertisement
ഇതിന് പിന്നാലെ ലോക ചാമ്പ്യന്‍ഷിപ്പില്‍നിന്നും താരം പിന്മാറിയിരിക്കുകയാണ്. ഒക്ടോബര്‍ 20 മുതല്‍ ഹംഗറിയില്‍ നടക്കേണ്ടുന്ന ചാമ്പ്യന്‍ഷിപ്പില്‍നിന്നാണ് ഇന്ത്യന്‍താരം പിന്മാറിയത്. മോശം ഫോമാണ് പിന്മാറ്റത്തിന് കാരണമെന്ന് പറയപ്പെടുന്നു. സുശീല്‍ കുമാറിന് പുറമെ ഏഷ്യന്‍ ഗെയിംസില്‍ വെങ്കല മെഡല്‍ നേടിയ ദിവ്യ കക്രനും ലോക ചാമ്പ്യന്‍ഷിപ്പിലില്ലെന്ന് വ്യക്തമാക്കിയിട്ടുണ്ട്.
Explore Now: Cricket World Cup Action LIVE!
Advertisement